CHEGOU O NADAL!

 Por nadal tivemos unha gran sorpresa.Un grupo de mestres e mestras representaron a obra de teatro"Anxo no nadal" para todo o alumnado do centro.

Dende aquí dámoslles as grazas polo traballo realizado!!

25N

 Polo 25 N creamos entre todos un manual do bo trato.

SAMAÍN

 Polo Samaín gozamos dun recuncho de libros de medo, decoramos portas e percorremos un túnel de terror .

Podedes ver o vídeo na páxina web do CEIP O PIÑEIRIÑO.

DÍA DAS BIBLIOTECAS ESCOLARES

Para celebrar este día recibimos a visita da contacontos Silvia Penide.

Contou e cantou  o seu libro "Diferentes,Diferencias".

                                                                    Pasámolo xenial!

LETRAS GALEGAS 2025

 

Este ano as Letras Galegas estiveron adicadas à poesía popular oral a través das cantareiras Adolfina e Rosa Casás e Eva Castiñeiras e as pandereteiras de Mens, Manuela Lema e as irmás Prudencia e Asunción Garrido.

Por este motivo cada aula preparou unha cantiga tradicional e entre todos e todas celebramos o festival “Ti si que molas”.

23 DE ABRIL.DÍA DO LIBRO

 Este curso o lema das bibliotecas foi "Biblioteca escolar a escena" e hai moitísimos contos que se representan en teatro.

Un dos protagonistas que aparecen en gran cantidade de libros e obras de teatro é o lobo.

Lelucha ,a mascota de biblioteca enviou un paquete a cada clase cun libro no que o protagonista é este animal.

Cada aula tivo que ler ese libro e completar unha ficha de lectura que tendemos neste día tan especial no "Tendal de Lelucha".

Logo xuntáronse padriños e afillados para gozar da lectura.

O día 24 continuamos coas actividades do día do libro coa representación de obras de teatro en inglés.

8 MARZO.MULLERES DESTACADAS NO DEPORTE.

 

O 8 de marzo fixemos unha exposición de "Mulleres destacadas no deporte".